Oppskrift på stor hue:)

Tenkte eg kunne legge ut oppskrift på den lyngfarga hua som eg har lagt ut på bloggen:) Den er superenkel å strikke. Ein fin ting for deg som ikkje har strikka så mykje før også:)

Legg opp 100 masker på pinne 4,5 med dobbel 2-tråds nøstebarntråd (denne vart ganske vid så kan godt hende det held med 90 masker også). 

Strikk vrangbord med 2rette og 2 vrange masker i 15 omgangar.

Strikk rettstrikk oppover, 55-60 omgangar. 

På nsete omgang startar ein fellinga: 

Strikk 8 masker rett og strikk 2 rett saman, fortsett slik ut omgangen.

Strikk 2 omgangar utan felling

På neste omgang, strikk 7 m rett og strikk 2 m rett saman.

Strikk 2 omg utan felling.

Fortsett slik med ei maske mindre for kvar omg med felling. 

Når du har att 10 m på pinnen trekk tråden gjennom maskane og fest endane:)

NB! Kan sikkert bruke vanleg babyull også, men då ville eg hatt litt ferre maskar og litt tjukkare pinnar:)

Litt av haustens produksjon!

Denne hua strikka eg i jula! Den skal vere ei gåve:)

No har eg fått lasta inn bilder av prosjekt eg har hatt i haust og no rundt juletider:) Når desse skulle fotograferast stillte go'jenta mi gladeleg opp som modell:)
 

SMIL!

         

 

Dette sjalet med tilhøyrande hue har vore eit laaangtidsprosjekt, som vart avslutta i haust! Etter dette har den vore i Volda for at nokon (les: mamma) skulle hekle kant rundt. Hekling er nemleg ikkje mi sterkaste side!

 

Desse tøfflene vart til på ei nattevakt! Eg hadde nokre restar og tenkte kanskje at dette kunne vere eit passande bruksområde:)

GOD JUL!

Så va dei heimelaga julegåvene gitt vekk, og då kan ein vel kanskje legge ut litt bilder på bloggen:) Litt dumt å legge ut bilder før ga¨åvene er gitt:)

I år strikka eg monsterbukser til mine to søte tantebarn som slett ikkje er monster, men med monster på baken blei dei i alle fall litt skumle:)  

 Denne var til Rannveig på snart 1år.

Her er buksa som Sveinung på snart 3 år fekk:)

Desse buksene har eg strikka i dobbel 2-trådsgarn frå nøstebarn, med litt tjukke pinnar og synes resultatet vart veldig bra. Er no igang med ei ny som skal bli bursdagsgåve:) Desse buksene er enkle og kjappe å strikke så det vert sikkert fleire bilder av slike bukser her inne på bloggen min:)

 

 

Rannveig fekk i tillegg til monsterbuksa eit lyngfarga smetteskjerf:) Her har eg brukt samme type garn som til monsterbuksene:)